უკრაინაში ევროკავშირის ყოფილი ელჩი ჰუგეს მინგარელი "ოცნების" პოლიტიკური ლიდერების დასანქცირების აუცილებლობაზე საუბრობს.

თბილისში მიმდინარე ორდღიანი კონფერენციის "გარდამტეხი წელი" ფარგლებში გამართულ პანელზე, ჰუგეს მინგარელმა პირდაპირ თქვა, რომ "ჩვენ უნდა დავუწესოთ სანქციები საქართველოს მთავრობის პოლიტიკურ ლიდერებს, მაგრამ არავითარ შემთხვევაში ქართველ ხალხს"

"თუ ჩვენს ძირითად პრინციპებს საქართველოს მთავრობა არღვევს, ყველაფერი უნდა გავაკეთოთ იმისთვის, რომ დავასანქციროთ პოლიტიკური ლიდერები, რომლებიც ამაზე არიან პასუხისმგებლები, მაგრამ არავითარ შემთხვევაში არ უნდა დავუწესოთ სანქციები ქართველ ხალხს. ეს ნიშნავს, მაგალითად, რომ, ჩემი აზრით, დიდი შეცდომა იქნება ქართველი ხალხისთვის უვიზო მიმოსვლის რეჟიმის გაუქმება", — აღნიშნა ჰუგეს მინგარელმა.

ცნობისთვის, მეორე დღეა მაკკეინის ინსტიტუტი, ჯორჯ ბუშის ინსტიტუტი და ეკონომიკური პოლიტიკის კვლევის ცენტრი (EPRC) თბილისის მე-8 საერთაშორისო კონფერენციას, სახელწოდებით "გარდამტეხი წელი" მასპინძლობენ.