საავტორო უფლებებზე დავის გამო, ვენეციაში ქართული ფილმის ჩვენება შეჩერდა, – ამის შესახებ Variety წერს.

გამოცემის ცნობით, ვენეციის კინოფესტივალზე, ქართველი კინორეჟისორის რუსუდან გლურჯიძის მხატვრული ფილმის "ანტიკვარიატის“ (The Antique) ჩვენება შეჩერდა.

ფესტივალის ორგანიზატორებმა გააუქმეს ფილმის ჩვენება პრესის და ინდუსტრიის წარმომადგენლებისთვის, რომელიც 28 აგვისტოს იყო დაგეგმილი. განრიგიდან ასევე ამოღებულია ფილმის საჯარო ჩვენებები.

ეს ნაბიჯი ვენეციის სასამართლოს განკარგულებას მოჰყვა, რომელიც სამმა პროდიუსერულმა კომპანია - Viva Film-მა (რუსეთში), Avantura Film-მა (ხორვატია) და Pygmalion-მა (კვიპროსი), ფილმის სცენართან დაკავშირებით საავტორო უფლებების დავის გამო, მიიღო, — ნათქვამია Venice Days-ის მიერ გავრცელებულ განცხადებაში.

"ჩვენ ყველაფერს გავაკეთებთ, რომ კანონის და კინორეჟისორის გამოხატვის თავისუფლების დაცვით, დავიცვათ ნამუშევარი და შესაძლებელი იყოს ფილმის ჩვენება ვენეციის ფესტივალზე უახლოეს დღეებში”, — წერია განცხადებაში.

ფილმში ასახულია, 18 წლის წინ რუსეთიდან ათასობით ქართველის დეპორტაცია. ფილმში მთავარ როლებს სალომე დემურია, სერგეი დეიდენი და ვლადიმირ ვლოვინჩეკოვი ასრულებენ.

გლურჯიძის თქმით, "ანტიკვარიატი“ შესაძლოა იყო უკანასკნელი ფილმი, რომელიც რუსეთში გადაიღეს უცხოელმა რეჟისორებმა, რადგან ის გადაღებების პროცესში დიდი სირთულეების პირისპირ აღმოჩნდა.

რუსუდან გლურჯიძე ქართველი რეჟისორი, სცენარისტი და პროდიუსერია. ის 2023 წელს კინოცენტრის წინააღმდეგ კინემატოგრაფისტების ბოიკოტს არ შეერთებია.