ბათუმში, საკრებულოს უმრავლესობის გადაწყვეტილებით, ე.წ. ჭაჭის კოშკი დაანგრიეს. გამოცემა AJARATIMES.GE კოშკის დანგრევის ამსახველ ფოტოებს ავრცელებს.

საკრებულოს განმარტებით, დადგენილებაში წერია, რომ შადრევნებიანი კოშკი და მიმდებარე ტერიტორია წლებია უკვე უფუნქციოა, შენობა კი მოუვლელობისგანაა დაზიანებული, შესაბამისად, საჭიროებს გონივრულ დაგეგმვასა და განვითარებას.

ბათუმის მერია დადგენილებაში წერს, რომ მის ადგილას მუნიციპალური პარკი მოეწყობა. სხვა დეტალები ჯერ-ჯერობით უცნობია.

ცნობისთვის, ბათუმის ჭაჭის თაუერი, რომელსაც გარს ოთხი შადრევანი აკრავს, 2012 წლის 17 ოქტომბერს გაიხსნა. მისი სიმაღლე 25 მეტრს შეადგენს. მშენებლობაში, ბათუმის მერიის ბიუჯეტიდან 810 055 ლარი დაიხარჯა.