"თეა წულუკიანმა პირდაპირ აღიარა, რომ კვოტები იმიტომ გააუქმეს, რომ ოპოზიციაში ქალი პოლიტიკოსები აღარ იხილონ", — ამის შესახებ სოციალურ ქსელში კავშირ საფარის ხელმძღვანელი და ქალთა უფლებების დამცველი, ბაია პატარაია წერს და საქართველოს კულტურისა და სპორტის მინისტრის, თეა წულუკიანის Facebook პოსტს, სადაც მინისტრი წერს, რომ

"ვიღაც წითლიძეების, უმადური და უნიჭო პოლიტიკოსი კორძაიების, ლამაზი თინიკოების, ლუზერი სალომეების (ამჯერად დეპუტატკაზე ვამბობ) და ასეთი საოცრებების მოხილვის მერე, აღარც პოლიტიკაში ქალის მხარდაჭერა მოგინდება ადამიანს (ანუ კაცს) და აღარც კვოტის".

ბაია პატარაიას თქმით, ქალები ამომრჩევლის 52%-ს წარმოადგენენ და სწორედ ისინი გამოუტანენ განაჩენს მმართველ პარტიას.

"თეა წულუკიანმა დაწერა დიდი ღვარძლიანი და ქალთმოძულე პოსტი კვოტების გაუქმებაზე და პირდაპირ აღიარა, რომ კვოტები იმიტომ გააუქმეს, რომ ოპოზიციაში ქალი პოლიტიკოსები აღარ იხილონ, რადგან სერიოზულ დისკომფორტს უქმნიან.

ტაში, თეა!

და მთელი ეს ისტერიკა მოაწყო მხოლოდ იმიტომ, რომ ანა დოლიძე / Anna Dolidzeმ ოცნება ამხილა სექსიზმში და მიუთითა, რომ ქალების გარეშე და ქალების წინააღმდეგ მიდის ქოცების წინასაარჩევნო კამპანია.

ყურადღება, ყურადღება: ქალები ამომრჩევლის 52% ვართ და სწორედ ქალები დავდგამთ ქართული ოცნების კუბოს! გენც…", — წერს ბაია პატარაია.

ამ თემაზე გაიგე მეტი:

წულუკიანი: "როცა ივანიშვილმა ქალების ხელშესაწყობად არაერთი ნაბიჯი გადადგა, სა იყავით მაშინ?"

ანა დოლიძე: "ქართულ ოცნებას სძულს ძლიერი ქალები?