მსოფლიოში ყველაზე ჯადოსნური სამყაროს შემქმნელი, ჰარი პოტერის ავტორი ჯოან როულინგი Forbes-მა 2017 წლის ყველაზე მაღალანაზღაურებად მწერლად დაასახელა, რომელმაც მიმდინარე წლის 31 მაისის ჩათვლით უკვე $95 მილიონი გამოიმუშავა.

საერთო ჯამში ბრიტანელი მწერლის ქონება $650 მილიონს აღწევს და როგორც გამოცემა წერს, როულინგი ერთადერთი მწერალია, რომელიც ყოველ ერთ წუთში $180-ს შოულობს.

შეგახსენებთ იმასაც, რომ ჯოან როულინგმა გაყიდვებით უილიამ შექსპირსაც კი გადაუსწრო. მისი ახალი პიესა, ჰარი პოტერი და დაწყევლილი ბავშვი, ყოველ წუთში 879 ფუნტს გამოიმუშავებს, იმაზე მეტს, ვიდრე რომელიმე ავტორს ოდესმე გამოუმუშავებია.

ყველაზე მაღალანაზღაურებადი მწერლების რეიტინგში მეორე ადგილზე ჯეიმს პატერსონოა, მესამე ადგილზე კი ჯეფ კინი გავიდა. ამავე სიაში მეხუთე ადგილი დაიკავა სტივენ კინგმა, რომელმაც მიმდინარე წელს $15 მილიონი გამოიმუშავა.