"ეს იყო ერთ-ერთი ყველაზე მძიმე დარტყმა — ასზე მეტი სხვადასხვა ტიპის რაკეტითა და დაახლოებით ასი "შაჰიდით" — უკრაინის პრეზიდენტი, ვოლოდიმირ ზელენსკი რუსეთის მიერ უკრაინაზე დღეს მიტანილ იერიშებს ეხმაურება.

ზელენსკის თქმით, ამ დარტყმების მთავარი სამიზნე სამოქალაქო ინფრასტრუქტურა იყო.

"სამწუხაროდ, რამდენიმე ადამიანი დაიღუპა. ვუსამძიმრებ მათ ოჯახებს და მეგობრებს. დაშავებული ათობით ადამიანია და ყველა მათგანი საჭირო დახმარებას იღებს", — განაცხადა ზელენსკიმ.

უკრაინის პრეზიდენტის თქმით, თავდასხმის შედეგად ასევე დიდი ზიანი მიადგა ენერგეტიკულ სექტორს, "სადაც ელექტროენერგია გათიშულია, აღდგენითი სამუშაოები უკვე მიმდინარეობს."

"პუტინი საკუთარ თავს არ ღალატობს, ავადმყოფი არსებაა – ყველასთვის დიდი ხანია ცხადია. მას მხოლოდ იმის გაკეთება შეუძლია, რის უფლებასაც სამყარო მისცემს. თითოეულმა ლიდერმა, ჩვენმა პარტნიორმა იცის, რომ რთული გადაწყვეტილებებია მისაღები, რომ დასრულდეს ომი, დასრულდეს სამართლიანად", — განაცხადა ზელენსკიმ მიმართვაში.

ცნობისთვის, რუსეთმა დღეს უკრაინის ტერიტორია დაბომბა. შედეგად სულ მცირე 4 ადამიანია დარუპული და 11 დაჭრილი. რუსეთი იერიშს ემსხვერპლა Reuters-ის თანამშრომელიც.

უკრაინის პრემიერ-მინისტრის, დენის შმიგალის განცხადებით, საჰაერო თავდასხმის შედეგად უკრაინის 15 ოლქი დაზარალდა.