"სტადიონზე ხალხი დადის და შეკეთებები ყოველთვის სჭირდება, მაგრამ მე ვერ დავადასტურებ, რომ დინამო არენა შეიძლება ჩაითვალოს როგორც ამორტიზებული", — ამის შესახებ თბილისის დინამოს პრეზიდენტმა, რომან ფიფიამ მედიასთან განაცხადა. ინფორმაციას croco.ge ავრცელებს.

მისი თქმით, მის ხელთ არსებული „არცერთი ექსპერტიზა არ მოწმობს იმას, რომ თუნდაც პირველი იარუსი არის ამორტიზებული“, თუმცა „საბოლოოდ, ფეხბურთის ფედერაციის ასარჩევია და გადასაწყვეტი თუ სად ითამაშებენ“.

"სამყაროში დღეს ამაზე უფრო ძველი სტადიონებიც ფუნქციონირებს. ეს ცოცხალი ორგანიზმია. სტადიონზე ხალხი დადის და შეკეთებები ყოველთვის სჭირდება, მაგრამ მე ვერ დავადასტურებ, რომ დინამო არენა შეიძლება ჩაითვალოს როგორც ამორტიზებული.

…ჩემს ხელთ დღემდე არსებული საბუთებიდან გამომდინარე, შემიძლია ვთქვა, რომ არცერთი ექსპერტიზა არ მოწმობს იმას, რომ თუნდაც პირველი იარუსი არის ამორტიზებული.

…საბოლოოდ, ეს არის ფეხბურთის ფედერაციის ასარჩევი და გადასაწყვეტი თუ სად ითამაშებენ. რა თქმა უნდა, ჩვენი სურვილი იქნებოდა, რომ აქ ჩატარდეს, მაგრამ ეს არის თავიდან ბოლომდე მათი არჩევანი უსაფრთხოებიდან გამომდინარე, მაგრამ ისევ გავნმეორდები, პირველი იარუსი რომ გამოვრიცხოთ, მეორე იტევს 41 000 მაყურებელს. მეტის თქმა ამ თემაზე არ შემიძლია", — აცხადებს ფიფია.

შეგახსენებთ, რომ 7 სექტემბერს საქართველოს ეროვნული ნაკრები ერთა ლიგის ეგიდით, შეხვედრას ჩეხეთის წინააღმდეგ გამართავს, რომელიც მიხეილ მესხის სახელობის სტადიონზე გაიმართება და არა დინამო არენაზე. ფაქტს საზოგადოების და ფეხბურთის გულშემატკივრების მხრიდან აზრთა სხვადასხვაობა მოჰყვა.