ოსკაროსანი მსახიობი, ქეით ბლანშეტი, ლონდონის სცენაზე ბრუნდება, ის ანტონ ჩეხოვის თოლიაში არკადინას როლს შეასრულებს.

სპექტაკლის პრემიერა 2025 წლის თებერვალში შედგება და ლონდონის ბარბიკენის თეატრში ექვსი კვირის განმავლობაში გაგრძელდება.

ქეით ბლანშეტთან ერთად ითამაშებს ტომ ბურკი, რომელიც ცნობილია სერიალებით Strike და Furiosa: A Mad Max Saga. აღსანიშნავია, რომ წყვილმა ცოტა ხნის წინ ერთად იმუშავა სტივენ სოდერბერგის მომავალ ფილმზე —Black Bag.

ფოტო: Getty Images

ადაპტაციის ავტორები დანკან მაკმილანი და თომას ოსტერმაიერი არიან, ეს უკანასკნელი კი ამავდროულად სპექტაკლის რეჟისორიცაა.

თოლია Wessex Grove-ის პროდუსერების გუნდის ხელმძღვანელობით დაიდგა, რომელიც ასევე მუშაობდა ოსტერმაიერის ბოლო სპექტაკლზე An Enemy of the People, სადაც მთავარ როლს მეტ სმითი ასრულებს.

"მრავალი წელია, რაც ქეითს ვიცნობ და ვაფასებ, მისი სცენაზე ხილვა ყოველთვის დიდი პატივია. აღფრთოვანებული ვარ იმით, რომ ჩვენ შევქმნით ჩვენს პირველ მხატვრულ კოლაბორაციას 'თოლიას' სახით, ლონდონის ბარბიკენის თეატრის სცენაზე და მაყურებელი შეძლებს ქეით ბლანშეტის ნახვას არკადინას, ერთ-ერთ ყველაზე მნიშვნელოვან თეატრალურ როლში ხილვას, მე ასევე ძალიან მოხარული ვარ ტომ ბურკთან ურთიერთობით, რომელიც სპექტაკში ტრიგორინის როლს შეასრულებს" — განაცხადა ოსტერმაიერმა.

ქეით ბლანშეტი ბარბიკენის თეატრის სცენაზე ბოლოს 2012 წელს გამოჩნდა, სპექტაკლით Gross und Klein.