22 აგვისტოს, 15 წლის გოგომ 74 წლის მამაკაცი ცივი იარაღით — დანით მოკლა.

მომხდარის შესახებ სავარაუდო დეტალები ინტერპრესნიუსის საშუალებით ხდება ცნობილი. როგორც გამოცემა წერს, მოკლული მამაკაცი "ტაქსის" მძღოლად მუშაობდა, გოგონა კი სურამში დასასვენებლად იმყოფებოდა.

შემთხვევა გუშინ ღამე, ხაშურსა და სურამს შორის მინის ქარხნის დასახლების მიმდებარედ მოხდა — სავარაუდო მიზეზად რამდენიმე ვერსია სახელდება.

ერთ-ერთი ვერსიით, გოგონაზე ძალადობის მცდელობას ჰქონდა ადგილი, თუმცა მოკლულის ახლობლები მოზარდზე ძალადობის ან რაიმე სახის შესაძლო ზეწოლას გამორიცხავენ.

ასევე, არაოფიციალური ვერსიით, დანაშაულის მოტივაცია ძარცვაც შესაძლოა ყოფილიყო.

ოფიციალური ინფორმაცია გამოძიების დეტალების შესახებ ჯერჯერობით უცნობია.