უკრაინის რადამ კანონპროექტი მიიღო, რომელიც რუსეთთან დაკავშირებული რელიგიური ორგანიზაციების აქტივობას კრძალავს, — ცნობას სოცქსელში უკრაინელი დეპუტატი, იაროსლავ ჟელეზნიაკი ავრცელებს.

"რადამ მიიღო საბოლოოდ დამუშავებული კანონპროექტი №8371, რომელიც კრძალავს უკრაინის ტერიტორიაზე რელიგიური, განსაკუთრებით რუსეთის ფედერაციასთან დაკავშირებული, ორგანიზაციების აქტივობას. ხალხისთვის ეს იქნება კანონი რუსეთის ეკლესიის აკრძალვაზე“, — წერს ჟელეზნიაკი.

კანონპროექტს მეორე მოსმენაზე 265-მა დეპუტატმა დაუჭირა მხარი.

ჟელეზნიაკის თქმით, კანონი ერთი პუნქტის გამოკლებით გამოქვეყნებიდან 30 დღეში ამოქმედდება. მისი თქმით, აღნიშნული პუნქტის მიხედვით, უკრაინის მართმადიდებლური ეკლესიის თემებს რუსეთის მართლმადიდებლურ ეკლესიასთან კავშირის გასაწყვეტად 9 თვე ეძლევათ.