AP-ის ინფორმაციით, ისრაელმა მხარი დაუჭირა აშშ-ს შეთავაზებას ღაზაში ცეცხლის შეწყვეტის და მძევლების გათავისუფლების შეთანხმებაზე და ჰამასსაც იგივეს მოუწოდებს.

შუამავლები დიდი ხნის განმავლობაში კომპრომისის გამონახვას ცდილობდნენ, რადგან შეთანხმების მიღწევას ხელს რიგი საკითხები უშლიდა, რომელზეც მხარეები — ისრაელი და ჰამასი ვერ თანხმდებოდნენ.

მედიის ცნობით, ისრაელის თანხმობაზე, აშშ-ის სახელმწიფო მდივანმა ენტონი ბლინკენმა, ისრაელის პრემიერთან ბენიამინ ნეთანიაჰუსთან შეხვედრის შემდეგ განაცხადა.

"მნიშვნელოვნად კონსტრუქციული შეხვედრისას პრემიერმა ნეთანიაჰუმ დამიდასტურა, რომ ისრაელი მხარს უჭერს შეთანხმებას. შემდეგი მნიშვნელოვანი ნაბიჯი ჰამასის თანხმობაა", — ამბობს ბლინკენი

აშშ-ის სახელმწიფო მდივანს არ უხსენებია კონკრეტულად როგორი იქნება შეთანხმება.

ბლინკენი თელ-ავივში, ცეცხლის შეწყვეტის შესახებ მოლაპარაკებებს მართავს