აშშ-ის პრეზიდენტობის კანდიდატის, დონალდ ტრამპის თქმით, წლევანდელ არჩევნებში პოპვარსკვლავი ტეილორ სვიფტი მას უჭერს მხარს.

ტრამპმა ხელოვნური ინტელექტის მიერ გენერირებული მომღერლის ფოტოები გააზიარა, ფოტოებს თან ერთვოდა წარწერა —"მე მხარს ვუჭერ."

სვიფტის ფოტოებს შორის, მომღერლის თაყვანისმცემლების ფოტოებიც აღმოჩნდა, რომლებსაც ეცვათ მაისურები წარწერით — "Swifties for Trump" ("სვიფტის ფანები ტრამპისთვის").

ფოტო: nypost

წარწერა მიუთითებს იმაზე თითქოს ტეილორ სვიფტის ფანებმა ამ თვის დასაწყისში სვიფტის ვენის კონცერტზე დაგეგმილი ტერაქტის შემდეგ, ტრამპის მხარდაჭერა დაიწყეს.

პოსტს დიდი გამოხმაურება მოჰყვა და სვიფტის თაყვანისმცემლები აღაშფოთა, რომლებმაც ტრამპი დეზინფორმაციის გავრცელებაში დაადანაშაულეს.

მომღერალს 2024 წლის არჩევნებში ტრამპისთვის მხარი არ დაუჭერია, მაგრამ 2020 წელს ის მხარს უჭერდა დემოკრატებს, თუმცა პრეზიდენტობის დროს ღიად აკრიტიკებდა დონალდ ტრამპს.