საქართველოს პროკურატურის ინფორმაციით, საჩხერის მუნიციპალიტეტში მომხდარი განზრახ მკვლელობის ფაქტზე არასრულწლოვანს ბრალდება წარედგინა.

ბრალდება 10-დან 15 წლამდე პატიმრობას ითვალისწინებს.

შინაგან საქმეთა სამინისტროს გამოძიებით დადგინდა, რომ 26 ივლისს, საჩხერის მუნიციპალიტეტში, საფეხბურთო მოედანზე, ბრალდებულმა ურთიერთშელაპარაკებისას, დაზარალებულს დანით ჭრილობები მიაყენა.

დაზარალებული საავადმყოფოში მიყვანამდე გარდაიცვალა.

სამართალდამცველებმა არასრულწლოვანი ბრალდებული 27 ივლისს დააკავეს.

პროკურატურამ ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს უკვე მიმართა.