კიმ კარდაშიანის თქმით, The Crown-ს უყურა და ქვეყნის სამართავად მზადაა
![](http://joey.on.ge/2024/07/26/shida_2_66a3b4f627607.jpg)
ფოტო: Eric Liebowitz; Netflix
რა ამპლუაში არ გვყავს კიმ კარდაშიანი ნანახი: რეალითი შოუს ვარსკვლავი არაერთ წარმატებულ ბიზნესს ჩაუდგა სათავეში, იყო მოდელი, მოიწადინა ადვოკატობა და რამდენიმე მცდელობის შემდეგ ჩააბარა კიდეც იურისტის გამოცდა, შარშან კი მსახიობადაც მოგვევლინა რაიან მერფის სერიალში American Horror Story.
ახლა კი, კიმის აზრით, უკვე ქვეყნის სამართავადაც მზად არის და ამაში, არც მეტი, არც ნაკლები, სერიალ The Crown-ის ყურება დახმარებია.
"გულწრფელად გეტყვით, The Crown-ის სრულ სეზონს ვუყურე და სავსებით შემიძლია მთელი ქვეყნის მართვა", — გამოაცხადა ტელევარსკვლავმა თავისი ოჯახის რეალითი შოუს, კარდაშიანების, მე-5 სეზონის ბოლო ეპიზოდში.
კიმის თქმით, ახლა "მსახიობობის ერაში" შეაბიჯა. ეს მართალია: American Horror Story-ში მონაწილეობის გარდა, კარდაშიანმა Hulu-ის ახალ სერიალშიც მიიღო როლი. სერიალში კიმს ლოსანჯელესელი ადვოკატის როლში ვიხილავთ, პროექტის აღმასრულებელი პროდიუსერი კი, რა გასაკვირია, რომ კარდაშიანების დედა, კრის ჯენერი, იქნება.
კიმი ასევე ითამაშებს ნეტფლიქსის ახალ კომედიურ ფილმში The Fifth Wheel, რომლის ერთ-ერთი პროდიუსერი თავადაც იქნება.
კარდაშიანების ბოლო სეზონში ასევე ვიხილეთ, რომ კიმი აგრძელებს სასჯელაღსრულების რეფორმის მხარდაჭერას და სწორედ ამ მიზნით შეხვდა ყოფილ პატიმარს, ჯიფსი როუზ ბლანჩარდსაც, რომელსაც, მისი უჩვეულო ისტორიის დამსახურებით, უკვე მთელ მსოფლიოში იცნობენ.
რაც შეეხება კიმ კარდაშიანის საყვარელ სერიალს, The Crown, ის ბოლო წლების ერთ-ერთი ყველაზე გახმაურებული ისტორიული დრამაა. ბრიტანეთის სამეფო ოჯახის უახლეს ისტორიაზე დაფუძნებული სერიალი ორი ოქროს გლობუსის მფლობელიცაა საუკეთესო სატელევიზიო დრამის ნომინაციაში. შარშან დეკემბერში გამოვიდა The Crown-ის ბოლო, მეექვსე სეზონი, რომელიც მე-20 საუკუნის მიწურულსა და 21-ე საუკუნის დასაწყისში განვითარებულ მოვლენებზე გვიყვება, მათ შორის, პრინცესა დაიანას სიკვდილზე, პრინცი ჩარლზის მეორე ქორწინებასა და პრინცი უილიამის ქეით მიდლტონთან ურთიერთობის დასაწყისზე.
თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები