შინაგან საქმეთა სამინისტროს ინფორმაციით, 1988 წელს დაბადებული, წარსულში მრავალჯერ ნასამართლევი და ამჟამად პირობითი მსჯავრის ქვეშ მყოფი პირი, განზრახ მკვლელობის მცდელობის ბრალდებით დააკავეს.

დანაშაული 10-დან 15 წლამდე პატიმრობას ითვალისწინებს.

გამოძიებით დადგინდა, რომ დღეს, 23 ივლისს, ბრალდებულმა, ურთიერთშელაპარაკების ნიადაგზე თბილისში, ცაბაძის ქუჩაზე, 31 წლის კაცი, ცივი იარაღის გამოყენებით დაჭრა.

დაჭრილი სამედიცინო დაწესებულებაშია მოთავსებული.

სამართალდამცველებმა დანაშაულის ჩადენის იარაღი ნივთმტკიცების სახით ამოიღეს.

პოლიციამ ბრალდებული ცხელ კვალზე დააკავა.