86 წლის ენტონი ჰოპკინსი სულაც არ ფიქრობს სამსახიობო კარიერის შეწყვეტაზე ან პაუზის აღებაზე. მისი უახლესი პროექტი რომის იმპერიაზე გადაღებული სერიალი Those About To Die იქნება.

Peacock-ის დრამატული სერიალი Those About To Die დაფუძნებულია დენიელ პ. მანიქსის ამავე სახელწოდების მქონე წიგნზე. მისი რეჟისორი როლანდ ემერიხია, რომლის ავტორობითაცაა შექმნილი ფილმები Independence Day, The Day After Tomorrow და 2012. სერიალი რომაული იმპერიის ყველაზე სისხლიან დეტალებს მოჰფენს ნათელს, გლადიატორებსა და კოლიზეუმის ცოდვებზე მოგვიყვება და ძალაუფლების მოსაპოვებელ ბრძოლასაც ვიხილავთ. ენტონი ჰოპკინსს იმპერატორი ვესპასიანეს ამპლუაში ვიხილავთ, Game Of Thrones-ში რემზი ბოლტონის როლით სახელგანთქმულ ივან რეონს კრიმინალური დაჯგუფების ამბიციური ლიდერის, ტენაქსის როლში იქნება, სარა მარტინსი კი მოვაჭრე კალას სახით გაგვეცნობა.

სერიალის პირველი სეზონი დღეიდან უკვე ხელმისაწვდომია Peacock-ისა და Amazon Prime-ის პლატფორმებზე.

ფოტო: Peacock