ბრაზილიამ რიო-დე-ჟანეიროს დასაცავად და ორგანიზებულ დანაშაულთან საბრძოლველად ქუჩებში ჯარისკაცები გამოიყვანა. BBC-ის ცნობით, პრეზიდენტმა ქალაქის პატრულირება 10 000 ჯარისკაცს დაავალა. მანამდე სამართალდამცავები აცხადებდნენ, რომ ისინი ქალაქზე კონტროლს კარგავდნენ.

ევრონიუსის ინფორმაციით, 2017 წლის პირველი ექვსი თვის განმავლობაში, ყოველდღე საშუალოდ სამი ადამიანი იღუპებოდა ბრმა ტყვიით რიო-დე-ჟანეიროში. ქალაქში გაზრდილია კრიმინალის დონე და პოლიციელებსა და ნარკოტიკებით მოვაჭრეებს შორის ყოველდღე სროლაა.

შარშან, რიოს ოლიმპიადის დროს, მთავრობამ ქალაქში 85 ათასი ჯარისკაცი გამოიყვანა.