შინაგან საქმეთა სამინისტროს ინფორმაციით, 1994 წელს დაბადებული, წარსულში ნასამართლევი პირი, გაუპატიურების ბრალდებით დააკავეს.

ბრალდება 10-დან 13 წლამდე პატიმრობას ითვალისწინებს.

გამოძიებით დადგინდა, რომ ბრალდებულმა ქედის მუნიციპალიტეტში, შეზღუდული შესაძლებლობის მქონე პირთან, ძალადობის გამოყენებით სქესობრივი კავშირი დაამყარა, რის შემდეგაც შემთხვევის ადგილიდან მიიმალა.

სამართალდამცველებმა პირი, მოსამართლის განჩინების საფუძველზე, ბრალდებულის სახით დააკავეს.