გახარიას პარტიის თქმით, ამნისტიის მხარდაჭერის საკითხს განიხილავენ, თუ "ოცნება" ღიად განაცხადებს, რომ კანონი სააკაშვილზე არ გავრცელდება
![](http://phoebe.on.ge/2020/09/24/1591686132.jpg)
ფოტო: საქართველოს მთავრობა
პარტია საქართველოსთვის, ქართულ ოცნებას მოუწოდებს, ამნისტიის კანონი შეეხოს რუსული კანონის საპროტესტო აქციებზე დაკავებულებსა და დაჯარიმებულებსაც. ასევე, ოცნებამ ღიად უნდა განაცხადოს, რომ კანონი არ შეეხება საქართველოს მესამე პრეზიდენტს, მიხეილ სააკაშვილს.
"ციხიდან პატიმრების მასშტაბურმა გამოშვებამ არ უნდა გამოიწვიოს კრიმინალის ზრდა და დანაშაულის განმეორება, მით უმეტეს, იმ ფონზე, როცა ვხედავთ ძალადობის აშკარა მატებას", — განაცხადა ნათია მეზვრიშვილმა, პარტიის ერთ-ერთმა ლიდერმა დღეს, 9 ივლისს, ბრიფინგზე.
გაიგე მეტი: "გამორიცხული მგონია" — მდინარაძე კითხვაზე, შეეხება თუ არა ამნისტიის კანონი მიხეილ სააკაშვილს
მეზვრიშვილის თქმით, საქართველოს ხელისუფლებამ ადამიანებს დაუკარგა უსაფრთხოების განცდა: "ორი დღის წინ, ცეცხლსასროლი იარაღით გაუსწორდნენ კურიერს, რამდენიმე კვირის წინ 19 წლის ახალგაზრდა უბნის ე.წ. "მაყურებლებმა" ცემით მოკლეს. შესაბამისად, სამართლიანი ვერ იქნება ამნისტია, რომელიც არ არის დაფუძნებული ანალიზზე".
ამ თემაზე: პროკურატურამ, "გლოვოს" კურიერზე თავდასხმის ფაქტზე, ერთ პირს ბრალდება დაუსწრებლად წარუდგინა
პარტია საქართველოსთვის ქართულ ოცნებას მოუწოდებს, რომ თუ მათი მიზანი ჰუმანურობაა და არა ამომრჩევლის მოსყიდვა და საარჩევნოდ ხმების მობილიზება, წარადგინონ სანდო კვლევა:
"ამნისტიის სამართლიანობის ამ წინაპირობების დაკმაყოფილების შემთხვევაში, მზად ვართ, განვიხილოთ ოცნების მიერ დაანონსებული ამნისტიის მხარდაჭერის საკითხი, დანაშაულების სიმძიმის და კატეგორიების გათვალისწინებით", — თქვა მეზვრიშვილმა.
28 ივნისს, პრემიერ-მინისტრმა, ირაკლი კობახიძემ განაცხადა, რომ მიიღებენ ამნისტიის კანონს, რომლითაც, სასურველია, პატიმართა რაოდენობის მინიმუმ 1/3-ით შემცირება.
მსგავსი: "გამორიცხული მგონია" — მდინარაძე კითხვაზე, შეეხება თუ არა ამნისტიის კანონი მიხეილ სააკაშვილს
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები