"გამორიცხული მგონია", — ასე უპასუხა ქართული ოცნების აღმასრულებელმა მდივანმა, მამუკა მდინარაძემ ჟურნალისტების შეკითხვას, შეეხება თუ არა ამნისტიის კანონი საქართველოს მესამე პრეზიდენტს, მიხეილ სააკაშვილს.

"გამორიცხული მგონია, იმიტომ, რომ მე რა მუხლებსაც ვიხსენებ, მისი მუხლები აქ არ უნდა ეწეროს და დიდი სურვილიც არ არის ამისი, პირდაპირ გეუბნებით", — განაცხადა მდინარაძემ.

მისივე თქმით, ამნისტიის კანონზე მუშაობენ მისი პირველი მოადგილე არჩილ გორდულაძე და რატი იონათამიშვილი, ადამიანის უფლებათა კომიტეტის თავმჯდომარე:

"ეს ორი ადამიანი მუშაობს უშუალოდ მთავრობასთან კოორდინაციით, უწყებებთან კოორდინაციით და გავდივართ ყველა დეტალს. დაინიცირდება [კანონი] 10 რიცხვში".

28 ივნისს, პრემიერ-მინისტრმა, ირაკლი კობახიძემ განაცხადა, რომ მიიღებენ ამნისტიის კანონს, რომლითაც, სასურველია, პატიმართა რაოდენობის მინიმუმ 1/3-ით შემცირება.

გაიგე მეტი: კობახიძის განცხადებით, დააინიციირებენ კანონპროექტს, რომელიც ამნისტიის წესით, პირთა გათავისუფლებას შეეხება