მოკლედ: სარფიდან, უცხო ქვეყნის მოქალაქეები საქართველოში ნარკოტიკული საშუალებების შემოტანას ცდილობდნენ.

  • შემოსავლების სამსახურის ინფორმაციით, ეს მცდელობა აღიკვეთა.

დეტალები: უწყების განცხადების მიხედვით, ეჭვის საფუძველზე, უცხო ქვეყნის მოქალაქეების ბარგის დათვალიერების შედეგად, იპოვეს სპორტული ფეხსაცმელების ლანჩის ქვეშ, პოლიეთილენის შეფუთვებში დაფასოებული 238 გრამი ნარკოტიკული ნივთიერება (კრისტალური ფხვნილის სახით მეტადონის მარილი).

  • ასევე, სარფის საბაჟო გამშვებ პუნქტზე აღიკვეთა დიდი ოდენობით (საერთო წონა 500 გრამი) ნარკოტიკული საშუალება კოკაინის შემოტანის მცდელობა, რომელიც უცხო ქვეყნის მოქალაქეს წებოვანი ლენტით, სხეულზე მალულად ჰქონდა მიკრული.

ასევე, ფინანსთა სამინისტროს შემოსავლების სამსახურის მებაჟე ოფიცრებმა, აკრძალული ფსიქოტროპული ნივთიერების შემცველი მედიკამენტების საქართველოს ტერიტორიაზე უკანონო შემოტანის კიდევ ერთი მცდელობის ფაქტი აღკვეთეს.

  • კერძოდ, სარფის საბაჟო გამშვები პუნქტის კონტროლის ზონაში შემოვიდა უცხო ქვეყნის მოქალაქე, რომლის ბარგისა და სხეულის, ეჭვის საფუძველზე დათვალიერების შედეგად, მალულად განთავსებული 168 კაფსული ფსიქოტროპული მედიკამენტი აღმოაჩინეს.
  • საქმის მასალები შინაგან საქმეთა სამინისტროს გადაეცა.