ზაფხული ამაღელვებელ თავგადასავლებში თავდავიწყებით გადაშვების, მძაფრი ემოციების მიღებისა და დაუვიწყარი მოგონებების შექმნის დროა.

როცა მზე უმოწყალოდ აცხუნებს და მხოლოდ იმაზე გეფიქრება, როგორ გაგრილდე, როცა ცა მოულოდნელად იქუფრება და თქეში იწყება, როცა სანაპიროზე ზიხარ და ჩამავალ მზეს გაჰყურებ, როცა კოცონის გარშემო შეკრებილხართ და გვიან ღამემდე ჰყვებით ამბებს. ყველა ეს მომენტი განსხვავებულ ემოციას იწვევს და სამუდამოდ აღიბეჭდება მეხსიერებაში. მერე კი, საკმარისია, კოცონთან მოსმენილ სიმღერას წლების შემდეგ ისევ მოჰკრა ყური, რომ უბრუნდები ზაფხულის იმ ცხელ საღამოს...

ასე რომ, ყველა ზაფხულს განსხვავებული საუნდტრეკი აქვს: ის შეიძლება იყოს მხიარული, რომანტიკული, მელანქოლიური; შეიძლება იყოს ჯაზი, მძიმე მეტალი, ფოლკი, კლასიკა; შეიძლება ერთმანეთისგან სრულიად სხვადასხვაგვარ ემოციებსაც აერთიანებდეს: მაკარენას და ლანა დელ რეის.

მთავარი ის არის, რომ ზაფხული და მუსიკა განუყოფელი წყვილია.

სწორედ ამიტომ, გადავწყვიტეთ, On.ge-ის ზაფხულის საუნდტრეკი გაგვეკეთებინა: ჩვენი გუნდის წევრებს ვთხოვეთ, თავიანთი ფლეილისტებიდან გაეზიარებინათ სიმღერები, რომლებიც მათთვის ამ სეზონთან ასოცირდება ან, უბრალოდ, საზაფხულო განწყობას უქმნით.

ასე მივიღეთ 60 კომპოზიციისგან შემდგარი ეკლექტური ფლეილისტი და შედეგმა, სიმართლე ითქვას, სულაც არ გაგვაკვირვა. On.ge-ის გუნდი სხვადასხვა თაობის, გემოვნების, ინტერესების მქონე ადამიანებს აერთიანებს, ამიტომ, ჩვენი საზაფხულო საუნდტრეკიც ზუსტად ასეთივე მრავალფეროვანი გამოვიდა.

ფლეილისტს ქვემოთ გიტოვებთ და ველოდებით, რომ კომენტარებში შენს საზაფხულო მუსიკასაც გაგვიზიარებ.

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...