რა ხდება: ქართული ოცნების დეპუტატი, გიორგი ცაგარეიშვილი ჯანდაცვის მინისტრის, მიხეილ სარჯველაძის მოადგილედ დაინიშნა.

  • ინფორმაციას სამინისტროს პრესსამსახური ავრცელებს.

დეტალები: გიორგი ცაგარეიშვილი, 2022 წლიდან დღემდე, საქართველოს X მოწვევის პარლამენტის წევრი და ფრაქცია ქართული ოცნების თავმჯდომარის პირველი მოადგილე იყო.

მან მხარი დაუჭირა პარლამენტის მიერ რუსული კანონის მიღებას.

  • ცაგარეიშვილი 2004-2016 წლებში, საქართველოს პარლამენტის მე-6, მე-7 და მე-8 მოწვევის
    დეპუტატი იყო.
  • სხვადასხვა წლებში, გიორგი ცაგარეიშვილი გარემოს დაცვისა და ბუნებრივი რესურსების კომიტეტის, აგრარულ საკითხთა კომიტეტის, ასევე იურიდიულ საკითხთა და ევროპასთან ინტეგრაციის კომიტეტის წევრი იყო.
  • 2017-2018 წლებში, საქართველოს გარემოს დაცვისა და სოფლის მეურნეობის მინისტრის მრჩევლის პოზიციას იკავებდა.