თამაზ მეჭიაურმა რუსთავი 2-ის საქმეზე განაცხადა, რომ სააპელაციო სასამართლოს გადაწყვეტილება სანდოა და პატივი უნდა ვცეთ:

"სამართლიანობა ნებისმიერ პერიოდში უნდა აღდგეს, როგორც არჩევნებამდე, ისე არჩევნების შემდეგ მაგრამ ზოგჯერ სამართლიანობის აღდგენის პროცესმა შეიძლება ვინმე დააზარალოს. ეს არ ნიშნავს იმას რომ სამართლიანობის აღდგენა მაინც და მაინც არჩევნების შემდეგ უნდა გადავდოთ".

სააპელაციო სასამართლოს გადაწყვეტილება შეაფასა პარლამენტარმა ზურაბ ტყემალაძემაც, მისი თქმით, არც მაუწყებლობის შეწყვეტაში და არც სარედაქციო პოლიტიკაში, აბსოლუტურად არავინ არ ერევა.

მისივე განცხადებით, საბოლოო ინსტანციაში გასაჩივრება ძალიან გულითაც რომ მოინდომოს ყველამ, მაინც ვერ მოეწსრება არჩევნებამდე. ტყემალაძემ რუსთავი 2-ის მიმართა და თქმა რომ წინასაარჩევნი პერიოდში არხი აქტიურად იმუშავებს:

"წინასაარჩევნო პერიოდში, თქვენ უფრო დემოკრატიულად თქვენი გაგებით და ჩვენი გაგაებით არაობიექტურად, აქტიურად იმოღვაწევებთ გაშუქების დროს. ბიძინა ივანიშვილი პირიქით მიუთითებს იმას, რომ თუკი სასამართლოს გადაწყვეტილება იქნება ასეთი და რამით შეიძლება დაზარალდეს რუსთავი 2 ამ წინასაარჩევო პერიოდში, ეცდება ეს ყველაფერი მოაგვაროს, ქიბარ ხალვაშთან მოლაპარაკების კუთხით".

თბილისის სააპელაციო სასამართლომ დღეს, 10 ივნისს, ძალაში დატოვა საქალაქო სასამართლოს მოსამართლის, თამაზ ურთმელიძის გადაწყვეტილება რუსთავი 2-ის წილების ქიბარ ხალვაშისთვის მიკუთვნებასთან დაკავშირებით.

თბილისის სააპელაციო სასამართლომ რუსთავი 2-ის საქმის განხილვა 7 ივნისს დაასრულა.