ანჯელინასა და ბრედის შვილი, შაილო ჯოლი-პიტი მამის გვარზე უარს ამბობს. ის 18 წლის 27 მაისს გახდა და ლოს-ანჯელესის სასამართლოს იმავე დღეს მიმართა.

შაილო ცნობილი წყვილის 6 შვილიდან პირველი არაა, ვინც მამის გვარი დათმო. ცოტა ხნის წინ, ბროდვეის შოუზე გამოსვლისას 15 წლის ვივიენმა თავი ვივიენ ჯოლიდ წარადგინა, 2023 წლის ვიდეოში კი ზაჰარა "ზაჰარა მარლი ჯოლიდ" გაგვეცნო.

ჯოლი და პიტი ერთმანეთს 2016 წელს ცნობილი ინციდენტის შემდეგ დაშორდნენ, როდესაც ანჯელინას თქმით, პიტმა მასზე და მათ უფროს შვილ მედოქსზე ფიზიკურად იძალადა, სიტყვიერი შეურაცხყოფა მიაყენა და ალკოჰოლი გადაასხა. წყვილის სასამართლო პროცესი ბავშვებზე მეურვეობისა და ქონების გაყოფისთვის დღემდე გრძელდება. ამჟამად მსახიობებს შვილებზე თანაბარი უფლებები აქვთ.

ანჯელინამ ცოტა ხნის წინ ინტერვიუში თქვა, რომ 2016 წლის შემდეგ მხოლოდ იმ გადაღებებს თანხმდებოდა, რომელიც დიდხანს არ გაგრძელდებოდა, რადგან განქორწინების პროცესის დაწყების შემდეგ მას და მის შვილებს უკეთ გახდომისთვის დრო სჭირდებოდათ. მსახიობის თქმით, შვილები მისი საუკეთესო მეგობრები და უახლოესი ადამიანები არიან.

"თავს კარგად არ ვგრძნობ. ასე მგონია, რომ უკვე წლებია, საკუთარი თავი დავკარგე. განქორწინების შემდეგ ბავშვების მეურვეობის გაყოფის გამო იმდენად თავისუფლად ვეღარ ვმოგზაურობ და ვცხოვრობ, მაგრამ ვგეგმავ, რომ როგორც კი შევძლებ, საცხოვრებლად კამბოჯაში გადავიდე", — აღნიშნავს მსახიობი.

იხილეთ ასევე: