ჯოზეფ ბორელი და ევროკომისია: განვიხილავთ ყველა ვარიანტს, ამ მოვლენებზე რეაგირებისთვის

28 May. 2024, 20:22

ევროკავშირი ღრმა მწუხარებას გამოთქვამს, რომ საქართველოს პარლამენტმა გადაწყვიტა დაეძლია პრეზიდენტის ვეტო კანონზე უცხოური გავლენის გამჭვირვალობის შესახებ და უგულებელყო ვენეციის კომისიის დეტალური სამართლებრივი არგუმენტები, სადაც კანონის გაუქმების შესახებ დეტალური რეკომენდაცია იყო გაწერილი.

ევროკავშირმა არაერთხელ აღნიშნა, რომ საქართველოს პარლამენტის მიერ მიღებული კანონი ეწინააღმდეგება ევროკავშირის ძირითად პრინციპებსა და ღირებულებებს. მისი ამოქმედებით ქვეყანა უკან დაიხევს ევროკავშირის ლიდერების მიერ მხარდაჭერილი კანდიდატის სტატუსის მიხედვით განსაზღვრული 9 ნაბიჯიდან, მინიმუმ, სამის შესრულებაში (დეზინფორმაციის შესახებ; პოლარიზაციას; ფუნდამენტური უფლებებისა და სამოქალაქო საზოგადოების ორგანიზაციების ჩართულობის შესახებ). ეს უარყოფითად იმოქმედებს ევროპის გზაზე საქართველოს წინსვლაზე.

უცხოური გავლენის გამჭვირვალობის შესახებ კანონის მიღმა, აქამდე არასაკმარისი პოლიტიკური ყურადღება იყო მიპყრობილი ცხრა ნაბიჯის არსებით პროგრესზე.

ჩვენ მოვუწოდებთ საქართველოს ხელისუფლებას, შეცვალოს ეს ტენდენცია და დაბრუნდეს ევროკავშირის გზაზე. ჯერ კიდევ არის დრო დინამიკის შესაცვლელად, მაგრამ საჭიროა მმართველი ხელისუფლების ძლიერი ვალდებულება.

ევროკავშირი და მისი წევრი ქვეყნები განიხილავენ ყველა ვარიანტს, ამ მოვლენებზე რეაგირებისთვის.

ჩვენ ვაგრძელებთ ქართველი ხალხის გვერდით დგომას და ვაღიარებთ მათი აბსოლუტური უმრავლესობის არჩევანს, მათი ქვეყნის ევროპული მომავლისთვის.

ბოლო ამბები: