რა ხდება: მთავრობის მიერ სუბსიდირებული ავიაბილეთები, ევრო 2024-ზე დასასწრებად, ხვალიდან გაიყიდება.

  • ეკონომიკის სამინისტროს ინფორმაციით, ბილეთები TKT.GE-ზე, 13:00 საათიდან გაიყიდება.

დეტალები: სამინისტროს განცხადებაში წერია, რომ ბილეთის შეძენა, სუბსიდირებულ ფასად, მხოლოდ საქართველოს მოქალაქეებს შეეძლებათ.

  • ამასთან, მგზავრი ვალდებული იქნება, აეროპორტში რეგისტრაციისას ფეხბურთის მატჩზე დასასწრები ბილეთი წარადგინოს, წინააღმდეგ შემთხვევაში, ავიაბილეთის სრული და არა სუბსიდირებული ფასის გადახდა მოუწევს.
  • მგზავრი ბილეთს ელექტრონული ფოსტით მიიღებს. ის ვალდებულია, გამოცხადდეს სარეგისტრაციოდ შესაბამის აეროპორტში გაფრენამდე 3 საათით ადრე.

სუბსიდირებული ავიაბილეთებით თბილისისა და ქუთაისის საერთაშორისო აეროპორტებიდან გერმანიის ოთხი ქალაქში — დორტმუნდში, ჰამბურგში, კიოლნში და დიუსელდორფში შეუძლიათ გაფრენა, ჩარტერული რეისებით.

  • ფრენებს შეასრულებენ ავიაკომპანიები Eurowings, Wizz Air, Hi Sky და Georgian Wings.
  • სუბსიდირებული ბილეთების შეძენას 3 000-მდე მოქალაქე შეძლებს.
  • სამინისტროს ინფორმაციით, სუბსიდირებული, ცალმხრივი ავიაბილეთის ღირებულება იქნება 195 ევრო.