მოკლედ: 26 მაისს, 19:00 საათზე, საქართველოს დამოუკიდებლობის დღეს, ფილარმონიიდან, ჭავჭავაძის გამზირის გავლით, ვაკის პარკამდე, გაიმართება მარში სახელწოდებით — საქართველოვ, მე ვარ შენთანა!

  • მარშის ორგანიზატორები არიან საქართველოს არასამთავრობო ორგანიზაციები.

დეტალები: "ჩვენ უნდა გავაცოცხლოთ პირველი რესპუბლიკის მარში. 1919 წელს, დამოუკიდებლობის გამოცხადების პირველ წლის აღსანიშნავად, მარში თანამედროვე ჭავჭავაძის გამზირით ვაკის პარკის ტერიტორიისკენ გაემართა. ჩვენც ამ გზას გავივლით", — წერენ ორგანიზატორები.

  • ორგანიზატორები მარშის მონაწილეებს მოუწოდებენ, მსვლელობის დროს, თან იქონიონ დროშები, ყვავილები და ტრადიციული სამოსის ელემენტები.

გაიგე მეტი: 26 მაისისადმი მიძღვნილი ღონისძიების გამო, 21 მაისიდან, თბილისის გარკვეულ ქუჩებზე მოძრაობა ეტაპობრივად შეიზღუდება — დეტალები