მოკლედ: საქართველოს მთავრობის პრესსამსახურის ინფორმაციით, პრემიერ-მინისტრი ირაკლი კობახიძე, საგარეო საქმეთა მინისტრ ილია დარჩიაშვილთან ერთად, ირანის ისლამურ რესპუბლიკაში გაემგზავრა.

  • ისინი ირანის პრეზიდენტ ებრაჰიმ რაისის, საგარეო საქმეთა მინისტრ ჰოსეინ ამირ აბდოლაჰიანის და ხელისუფლების სხვა წარმომადგენლების დაკრძალვის ცერემონიას დაესწრებიან.

დეტალები: გამგზავრებამდე რამდენიმე საათით ადრე, კობახიძე საქართველოში ირანის ისლამური რესპუბლიკის საელჩოში იმყოფებოდა.

  • მან სამძიმრის წიგნში ჩანაწერი დატოვა და ირანელ ხალხს თანაგრძნობა გამოუცხადა.

კონტექსტი: 19 მაისს, ირანის პრეზიდენტი ებრაჰიმ რაისი დაიღუპა საგარეო საქმეთა მინისტრთან და რამდენიმე მაღალჩინოსანთან ერთად.

  • ირანის პრეზიდენტი აზერბაიჯანიდან თაბრიზში ბრუნდებოდა, როდესაც მისი ვერტმფრენი ჩამოვარდა.