რა ხდება: ამერიკის სახელმწიფო დეპარტამენტის მაღალჩინოსანი, ჯეიმს (ჯიმ) ო'ბრაიენი ირაკლი კობახიძეს შეხვდა.

  • სახელმწიფო მდივნის თანაშემწისა და პრემიერ-მინისტრის შეხვედრა 2 საათს უნდა გაგრძელებულიყო, თუმცა დაგეგმილ დროს გადააჭარბა.

დეტალები: შეხვედრას აშშ-ის ელჩი, რობინ დანიგანიც ესწრებოდა.

  • დეტალები, თუ რაზე ისაუბრეს საქართველოს პრემიერ-მინისტრმა და ამერიკელმა მაღალჩინოსანმა, ჯერჯერობით, უცნობია.

ო'ბრაიენი ახლა ბიზნესის წარმომადგენლებს ხვდება, მოგვიანებით კი შეხვდება ოპოზიციას და არასამთავრობო სექტორის წარმომადგენლებს.

  • დაგეგმილია შეხვედრა საქართველოს პრეზიდენტთანაც.
  • ჯეიმს ო'ბრაიენი დღეს მედიის კითხვებსაც უპასუხებს.

გუშინ გავრცელდა ინფორმაცია, რომ დაგეგმილი იყო მისი შეხვედრა ქართული ოცნების საპატიო თავმჯდომარე ბიძინა ივანიშვილთანაც.

  • სამთავრობო არხებმა, იმედმა და რუსთავი 2-მა ჯერ გამოაქვეყნეს, თუმცა მალევე წაშალეს ინფორმაცია იმასთან დაკავშირებით, რომ ო'ბრაიენს ივანიშვილისთვის სანქციების პაკეტი ჩამოაქვს.
  • 13 მაისის დღის ბოლოს ბრიფინგი გამართა ირაკლი კობახიძემ და თქვა, რომ ო'ბრაიენს სურდა ივანიშვილთან შეხვედრა, თუმცა ივანიშვილმა ამერიკელ მაღალჩინოსანს უარი უთხრა.