რა ხდება: რუსთაველის გამზირზე, პარლამენტის შენობასთან რუსული კანონის საწინააღმდეგო აქცია დაიწყო.

  • მანიფესტანტები აპირებენ, ღამე გაათენონ საკანონმდებლო ორგანოს შენობასთან.
  • დეპუტატები ხვალ რუსული კანონის განხილვას საკომიტეტო სხდომაზე გეგმავენ.

დეტალები: აქცია რამდენიმე წუთის წინ, 22 საათზე დაიწყო.

დემონსტრანტების რაოდენობა იმატებს, რუსთაველის გამზირი გადაკეტილია.

ასევე, ნახეთ: ბარები, სადაც აქციის მონაწილეებს დახმარებას, ტელეფონის დატენვასა და შესვენებას სთავაზობენ

  • აქციის დაწყებამდე უსაფრთხოების ზომები გააძლიერეს სამართალდამცველებმა — შეადუღეს პარლამენტის შენობის გვერდითა ჭიშკრები, შენობის შიდა ეზოში მობილიზებულია სპეცრაზმი.

ბოლო ხაზი: ხვალ, 13 მაისს გაიმართება რუსული კანონის მესამე საკომიტეტო მოსმენა.

  • პლენარულ სხდომაზე კი კანონი სამშაბათს, 14 მაისს გავა ბოლო, მესამე მოსმენით.