"ვფიცავთ, რომ ჩვენს თეთრ ხალათს არ გავათელინებთ რუსულ ჩექმას" — თსსუ-ს სტუდენტებმა ფიცი დადეს და რუსთაველიკენ მიემართებიან
![](http://monica.on.ge/2024/05/12/photo_2024-05-12_20-56-09.jpg)
ფოტო: მთავარი არხი
0
წაკითხვა
0
კომენტარი
0
გაზიარება
მოკლედ: რუსული კანონის საწინააღმდეგოდ, სტუდენტების გაფიცვას შეუერთდნენ სამედიცინო უნივერსიტეტის სტუდენტები.
- მათ, უნივერსიტეტის ეზოში ფიცი დადეს და განაცხადეს, რომ პარლამენტთან დაგეგმილ აქციას შეუერთდებიან.
- სტუდენტები, ამ დროისთვის, პარლამენტის ტერიტორიისკენ მსვლელობას აწყობენ.
სტუდენტების ფიცი: "ჩვენ უარს ვამბობთ ლექციებზე დასწრებაზე და ხვალიდან, ორშაბათიდან ვაცხადებთ გაფიცვას.
- ჩვენ, როგორც ყოველთვის, თეთრი ხალათებით ვიდგებით რუსთაველის გამზირზე თქვენ შორის, რათა თქვენთან ერთად დავიცვათ ქვეყნის ღირებულება, ღირსება, მომავალი, ქვეყნის ევროპული პერსპექტივა, ჩვენ, მომავალ ექიმებს გვიჭრიან ჰიპოკრატეს ფიცამდე მისასვლელ ყველა გზას.
- ამიტომ, დღეს, თსსუ-ს სტუდენტები თქვენს წინაშე, ჩვენი ქვეყნის, თანამემამულეების, მებრძოლების წინაშე ვდებთ ფიცს: ვფიცავთ, რომ საკუთარი შესაძლებლობების შესაბამისად, უდრეკად დავიცავთ ჩვენი თანამემამულეების ჯანმრთელობას.
- ვფიცავთ, რომ არაფრის ფასად დავთმობთ წინაპართა სისხლით მოპოვებულ თავისუფლებას. ვფიცავთ, რომ სიცოხლის ფასად დავიცავთ სამშობლოსა და მის ღირებულებებს.
- ვფიცავთ, რომ ვატარებთ გულის მჯიღად ენას, მამულს, სარწმუნოებასა და ერთობას. ვფიცავთ, რომ ჩვენს თეთრ ხალათს არ გავათელინებთ რუსულ ჩექმას, ვფიცავთ, რომ არასდროს დავირქმევთ რუსეთის ექიმებს.
- ვფიცავთ, რომ ჩვენ აუცილებლად შეგიყვანთ თეთრი ხალათებით ევროპაში. ვფიცავთ!".
კონტექსტი: 11 მაისს, თბილისის სახელმწიფო უნივერსიტეტის სტუდენტების ნაწილმა უარი განაცხადა ლექციებზე დასწრებაზე მანამ, ვიდრე საქართველოს ხელისუფლება რუსულ კანონს უკან არ გაიწვევს.
- თსუ-ს სტუდენტებმა გაფიცვისკენ მოუწოდეს სხვა უნივერსიტეტის სტუდენტებს და ლექტორებს.
- მოწოდების შემდეგ, გაფიცვას შეუერთნენ 10-ზე მეტი უნივერსიტეტის სტუდენტები და ათეულობით ლექტორი.
გაიგე მეტი: უნივერსიტეტების სია, სადაც სტუდენტები რუსული კანონის საწინააღმდეგოდ გაიფიცნენ
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები