მოკლედ: პრეზიდენტი სალომე ზურაბიშვილი ფეისბუქზე წერს, რომ ახალგაზრდების და ბერბიჭაშვილის შორის რამე ტოლობის ნიშნის დასმა ნებისმიერ ადამიანისთვის უდიდესი სირცხვილი იქნებოდა.

  • "ეს სიტყვები პრემიერ მინისტრს როცა ეკუთვნის, ეს მას უკვე სხვა განზომილებაში გადასულ ადამიანად წარმოაჩენს და მის მთავრობის გაუცხოებას საკუთარ ხალხისგან ადასტურებს", — წერს პრეზიდენტი.

დეტალები: ზურაბიშვილის თქმით მმართველობა ჯერ საკუთარი ხალხის სიყვარულით იწყება:

  • "ვნების კვირაში, აღდგომისა და ბრწყინვალე შვიდეულის დროს, ამდენი მუქარა, სიძულვილი, ცემა/ძალადობა არ გამიგია, თან ოფიციალურ პირებისგან ( გამონაკლისის გარეშე)…ესეც სარწმუნოება!!! რაც ეხება ენას, თქვენი სიძულვილის ენა ქართული არასოდეს ყოფილა".

კონტექსტი: დღეს, 10 მაისს, პრემიერ-მინისტრმა ირაკლი კობახიძემ, "გულწრფელი ახალგაზრდებისადმი მიმართული ღია წერილი" გამოაქვეყნა.

  • კობახიძემ თქვა, რომ "როდესაც 29 წლის გიგლა ბერბიჭაშვილმა 70 წლის ილია ჭავჭავაძეს ესროლა, მას ღრმად სწამდა, რომ თავად იყო პროგრესული გულწრფელი ახალგაზრდა, ხოლო ილია ჭავჭავაძე — ჩამორჩენილი არაკეთილსინდისიერი მოხუცი.
  • მისივე თქმით, ფსევდოლიბერალური იდეოლოგიამ ახალგაზრდებს დააჯერა, რომ სწორედ ისინი არიან გულწრფელობისა და პროგრესულობის მაგალითი ამ ქვეყანაში.