მოკლედ: ნაციონალური მოძრაობის ლიდერი, ლევან ხაბეიშვილი, რომელსაც გუშინ სპეცრაზმის წარმომადგენლები ფიზიკურად გაუსწორდნენ, პარლამენტში მივიდა.

  • მანქანიდან გადმოსვლაში მას ოპოზიციონერი კოლეგები დაეხმარნენ, საკანონმდებლო ორგანოში კი დეპუტატი ეტლით შევიდა.

დეტალები: ხაბეიშვილის თქმით, მას რამდენიმე წუთის განმავლობაში უსწორდებოდნენ ფიზიკურად სპეცრაზმელები და ეუბნებოდნენ, რომ იმ შემთხვევაში შეწყვეტდნენ მის ცემას, თუ იტყოდა, რომ დამნაშავეა.

  • "ცხადია, ამისი ფუფუნება მე მათ არ მივეცი და შესაბამისადაც გამოვიყურები ამის გამო. ეს არაფერია იმასთან შედარებით, რასაც [სპეცრაზმელები] ახალგაზრდებს უკეთებენ.
  • ჩემო ძვირფასებო, ეს არის პარტიული, პოლიტიკური ნიშანი — ეს პარტია მომწონს, ის პარტია არ მომწონს, ყველას შეგეხებათ ეს უსამართლობა. გამოიყენეთ პოლიტიკოსები, მიუხედავად იმისა მოგწონთ, თუ არა, ამ ქვეყნის ეროვნული ინტერესებისთვის", — თქვა ლევან ხაბეიშვილმა.

ბოლო ხაზი: მძიმედ ნაცემი ოპოზიციონერი დეპუტატი გუშინ ინგოროყვას კლინიკაში გადაიყვანეს.

  • შსს-მ დღეს განაცხადა, რომ ლევან ხაბეიშვილმა დაზიანება მაშინ მიიღო, როდესაც პოლიციელებისთვის საქმიანობაში ხელის შეშლის მიზნით შეიჭრა პოლიციის კორდონში.

ასევე, ნახეთ: DRI: ხელისუფლებამ რუსული კანონის წინააღმდეგ გამართული აქცია უკანონოდ დაარბია