პარლამენტის შენობასთან დიდი რაოდენობით საპოლიციო ძალებია მობილიზებული. ვრცელდება ინფორმაცია, რომ პოლიციამ გამოიყენა წიწაკის სპრეი.

  • სამართალდამცავებს მშვიდობიანი მოქალაქეები ძალის გამოყენებით გაჰყავთ, რათა გზა გაუთავისუფლონ ქართული ოცნების საპარლამენტო უმრავლესობის წევრებს, პარლამენტის შენობიდან გამოსასვლელად.
  • სპეცდანიშნულების რაზმსა და მოქალაქეებს შორის რამდენჯერმე მოხდა დაპირისპირება.

რამდენიმე წუთის წინ შინაგან საქმეთა სამინისტრომ გაავრცელა განცხადება, რომელშიც დაწერა, რომ იქ მობილიზებული არიან სხვადასხვა დანაყოფის თანამშრომლები, დეპუტატებისა და პარლამენტის აპარატის თანამშრომლების პარლამენტის შენობიდან უსაფრთხოდ გადაადგილებისა და მოვლენების ხელოვნურად ესკალაციის თავიდან არიდების მიზნით.

ბოლო ხაზი: ხელისუფლების დაჟინებულ სურვილს, მიიღოს რუსული კანონი, ხალხი მრავალათასიანი საპროტესტო აქციებით ეწინააღმდეგება თბილისსა და საქართველოს სხვა ქალაქებში. პერიოდულად, ხელისუფლება იყენებს ძალას მშვიდობიანი დემონსტრანტების წინააღმდეგ.