რა ხდება: რუსული კანონი იურიდიულ საკითხთა კომიტეტის სხდომაზე მეორე მოსმენით მიიღეს.

დეტალები: კომიტეტის სხდომამ დღეს კამათის ფონზე ჩაიარა. სხდომის ხელმძღვანელმა, ანრი ოხანაშვილმა დარბაზი 12 ოპოზიციონერ დეპუტატს დაატოვებინა.

  • სხდომიდან გააძევა არასამთავრობო ორგანიზაციების 2 წარმომადგენელი.
  • გამომსვლელების უმეტესობას სიტყვა გააწყვეტინა და მიკროფონი გაუთიშა.

ამ თემაზე: რუსული კანონის საკომიტეტო მოსმენა დეპუტატების გაძევებისა და ცენზურის ფონზე მიმდინარეობს — არასამთავროები

რა მოხდება ამის შემდეგ, პროცედურულად: კანონი, მეორე მოსმენით დასამტკიცებლად, პლენარულ სხდომაზე გავა.

პლენარული სხდომა ხვალ არის, თუმცა, ჯერჯერობით, რუსულ კანონის განხილვა დღის წესრიგში არ არის ჩასმული.

  • მას შემდეგ, რაც ამ კანონპროექტს პარლამენტი მესამე მოსმენითაც დაუჭერს მხარს, ხელმოსაწერად პრეზიდენტს გადაეგზავნება.
  • სალომე ზურაბიშვილმა თქვა, რომ კანონს ხელს არ მოაწერს და ვეტოს დაადებს.
  • თუმცა, ეს იქნება სიმბოლური აქტი, რადგან ქართულ ოცნებას აქვს რესურსი, ვეტო დაძლიოს.