რა ხდება: რუსული კანონის საკომიტეტო განხილვა პარლამენტის კინოდარბაზში ხმაურის ფონზე მიმდინარეობს.

დეტალები: სხდომის დაწყებიდანვე, იურიდიულ საკითხთა კომიტეტის თავმჯდომარემ, ანრი ოხანაშვილმა ოპოზიციონერ კოლეგებს გაფრთხილებები მისცა.

  • ის უთიშავს მიკროფონს ყველას, ვინც კონკრეტულ მუხლებთან დაკავშირებით არ სვამს კითხვას.
  • ამას ოპოზიციონერმა დეპუტატებმა ცენზურა უწოდეს.

ამასთან, ანრი ოხანაშვილმა დარბაზი დაატოვებინა ორ დეპუტატს — ლევან ბეჟაშვილს და გიორგი ვაშაძეს, იმის გამო, რომ ისინი მიკროფონის ჩართვის გარეშე საუბრობდნენ.

ბოლო ხაზი: პარლამენტის იურიდიულ საკითხთა კომიტეტი რუსულ კანონს დღეს მეორე მოსმენით განიხილავს.

  • პლენარული სხდომა საკანონმდებლო ორგანოში ხვალ გაიმართება, თუმცა უცნობია, გავა თუ არა მეორე მოსმენით კენჭისყრაზე რუსული კანონი.