რა ხდება: რუსთაველზე წყლის ჭავლის მანქანისა და სპეცრაზმის გამოჩენის პარალელურად, შინაგან საქმეთა სამინისტრო განცხადებას ავრცელებს.

  • განცხადებაში წერია, რომ რუსთაველზე აქციამ ძალადობრივი ხასიათი მიიღო.

დეტალები: "მიუხედავად სამართალდამცველების არაერთი მოწოდებისა, აქციის მონაწილეებმა არაერთხელ სცადეს პოლიციის კორდონის გარღვევა.

  • პოლიციამ, წესრიგის აღდგენის მიზნით კანონით დადგენილი სპეციალური საშუალება გამოიყენა.
  • კიდევ ერთხელ მოვუწოდებთ აქციის ორგანიზატორებს, პოლიტიკური პარტიის ლიდერებს და მონაწილეებს, დაემორჩილონ სამართალდამცველების კანონიერ მოთხოვნებს და არ გასცდნენ პროტესტის გამოხატვის კანონით დადგენილ ნორმებს", — წერია განცხადებაში.

კონტექსტი: მშვიდობიანი აქციის ორგანიზატორებმა პოლიციას სთხოვეს, ათამდე ადამიანი, საქართველოსა და ევროკავშირის დროშებით, ქართული ოცნების მიერ დამონტაჟებულ სცენაზე აეშვათ, თუმცა სამართალდამცველებმა მათ ამისი საშუალება არ მისცეს.