რა ხდება: შინაგან საქმეთა სამინისტრო, რუსთაველზე მიმდინარე აქციასთან დაკავშირებით, განცხადებას ავრცელებს.

დეტალები: უწყება წერს, რომ შინაგან საქმეთა სამინისტროს თანამშრომლები რუსთაველის გამზირზე მიმდინარე აქციასთან დაკავშირებით, მობილიზებულნი არიან და იცავენ მოქალაქეების უსაფრთხოებას.

  • "მოვუწოდებთ აქციის ორგანიზატორებსა და მონაწილეებს, არ გასცდნენ შეკრების და გამოხატვის თავისუფლების კანონით დასაშვებ ფარგლებს და დაიცვან საზოგადოებრივი წესრიგი.
  • ასევე, მოვუწოდებთ აქციის თითოეულ მონაწილეს არ დააზიანონ რუსთაველის გამზირზე, საკანონმდებლო ორგანოს წინ მოწყობილი სცენის ინვენტარი და ტექნიკა.
    კანონდარღვევის ნებისმიერი ფაქტი პოლიციის მხრიდან დაუყოვნებლივ იქნება აღკვეთილი", — ვკითხულობთ განცხადებაში.

კონტექსტი: ვითარება პარლამენტთან ცოტა ხნის წინ დაიძაბა.

  • აქციის ორგანიზატორებმა სთხოვეს პოლიციას, 10-მდე ადამიანს მისცენ საქართველოსა და ევროკავშირის დროშებით ასვლის საშუალება, რაზეც სამართალდამცველები უარს აცხადებენ.
  • პარლამენტის წინ სცენა ქართულმა ოცნებამ დაამონტაჟა, ხვალ დაგეგმილი კონტრაქციისთვის.