რა ხდება: თბილისში, რესპუბლიკის მოედანზე, რუსული კანონის საწინააღმდეგო აქცია მიმდინარეობს.

დეტალები: გამომსვლელებს შორის, რომლებიც დღეს სცენიდან მიმართავენ აქციის მონაწილეებს, არიან ჟურნალისტები, მასწავლებლები, პედაგოგები, აქტივისტები.

  • სულ ცოტა ხნის წინ სიტყვით გამოვიდა ექიმი ვაჟა გაფრინდაშვილი, რომელიც 2019 წელს ოკუპანტებმა კასპის რაიონში დააკავეს და 48 დღის განმავლობაში უკანონო პატიმრობაში იმყოფებოდა.
  • "ვერ დამაჯერებთ რომ მათ [ხელისუფლებას] ევროპა უნდოდეთ, რადგან ევროკავშირში შესვლის შემთხვევაში კარგავენ პრივილეგიებს. ევროპაში მთავრობისა და პარლამენტის წევრები დადიან ველოსიპედებით და არა სახელმწიფო მანქანებით, მათ არ სჭირდებათ სპეცრაზმი სამსახურში მისასვლელად და წამოსასვლელად", — თქვა გაფრინდაშვილმა.

ბოლო ხაზი: აქცია, რომელიც 20 საათზე დაიწყო, ორგანიზატორების თქმით, დაახლოებით, 2 საათის განმავლობაში გაგრძელდება.