მოკლედ: შინაგან საქმეთა სამინისტროს ინფორმაციით, ბათუმში, ჯგუფურად ჩადენილი გამოძალვის ბრალდებით, 2 პირი დააკავეს.

  • დაკავებულები, 49 და 48 წლის, უცხო ქვეყნის მოქალაქეები არიან.

დეტალები: გამოძიებით დადგინდა, რომ ბრალდებულებმა, რომლებიც ბათუმში, ერთ-ერთ კაფე-ბარში მუშაობდნენ, ძალადობის გამოყენებითა და სიცოცხლის მოსპობის მუქარით, ამავე კაფე-ბარის სტუმრებს, უცხო ქვეყნის მოქალაქეებს, მათი შეკვეთისთვის შეუსაბამოდ დიდი თანხა — 267 000 თურქული ლირა და 5 700 ლარი გამოსძალეს.

  • გამოძიება მიმდინარეობს მუხლით, რომელიც დიდი ოდენობით, ქონების მიღების მიზნით ჩადენილ გამოძალვას გულისხმობს.
  • მუხლი 4-დან 7 წლამდე პატიმრობას ითვალისწინებს.