რა ხდება: მთავრობის ადმინისტრაციასთან, სადაც აქციის მონაწილეები რუსთაველიდან სულ ცოტა ხნის წინ მივიდნენ, დაძაბულობაა.

  • ადგილზე დაიწყეს დამატებითი საპოლიციო ძალების მობილიზება, იმის მიუხედავად, რომ კანცელარიის მიმდებარედ, მთელი საღამოს განმავლობაში, დიდი რაოდენობით სამართალდამცველები იმყოფებოდნენ.

დეტალები: აქციის მონაწილეების მიზანია, შევიდნენ კანცელარიაში.

იქ იმყოფება ოპოზიციონერი პოლიტიკოსი ზურაბ ჯაფარიძეც, რომელიც სთავაზობს პრემიერ-მინისტრს, მასთან საუბრის საშუალება მისცეს იქ შეკრებილებს.

"თუ ყველას არა, მე ამოვალ, ან ვინმე სხვა, ჩავრთოთ ფეისბუქლაივი და ვილაპარაკოთ, რატომ არის ეს კანონი რუსული", — თქვა მან.

  • მედიის ინფორმაციით, არიან დაშავებულები, მათ შორის — ტელეოპერატორები.
  • ტელეკომპანია პირველი ამბობს, რომ დაშავდა მათი ოპერატორიც.
  • არიან დაკავებულებიც.

ბოლო ხაზი: რუსული კანონის გასაპროტესტებლად შეკრებილი მოქალაქეები კანცელარიასთან ავიდნენ იმ მიზნით, რომ ირაკლი კობახიძესთან შეხვედრა მოეთხოვათ.