მოკლედ: დღეს, 17 აპრილს, სალომე ზურაბიშვილი შეხვდება ევროკავშირის ქვეყნების, დიდი ბრიტანეთისა და აშშ-ს ელჩებს.

  • შეხვედრა გაიმართება 14:00 საათზე.
  • ელჩები პრეზიდენტთან ორბელიანების სასახლეში მივლენ.
  • ინფორმაციას საქართველოს პრეზიდენტის ადმინისტრაცია ავრცელებს.

კონტექსტი: ორი დღის წინ, 15 აპრილს, ელჩები შეხვდნენ ირაკლი კობახიძეს, პრემიერ-მინისტრს.

  • დასავლელი დიპლომატებსა და კობახიძეს შორის საუბრის საკითხი იყო რუსული კანონი, რომელსაც კანონპროექტის ავტორები მოიხსენიებენ, როგორც საკანონმდებლო პროექტს უცხოური გავლენის გამჭვირვალობის შესახებ.
  • 15 აპრილის შეხვედრისას კობახიძემ ელჩებს კიდევ ერთხელ შესთავაზა კანონთან დაკავშირებით ღია დისკუსია, "რათა ქართულ საზოგადოებას და საქართველოს მეგობრებს არცერთი კითხვის ნიშანი არ დარჩეთ".
  • მთავრობის ხელმძღვანელის მიერ, ელჩების საჯარო დებატებში გამოწვევის პრაქტიკა დიპლომატიაში არ არსებობს.

დიპლომატების პრეზიდენტთან შეხვედრას წინ უძღვის მომიტინგეთა დარბევა რუსთაველზე: შინაგან საქმეთა სამინისტრომ გასულ ღამეს მშვიდობიანი პროტესტის მშვიდობიანი მოქალაქეები დაარბია და აქციის მონაწილეთა განცხადებებით, მათ წინააღმდეგ არაპროპორციული ძალა გამოიყენა,

  • ამაზე მოწმობს ადგილიდან გავრცელებული არაერთი ვიდეოკადრიც,
  • სპეცრაზმმა სცემა ჟურნალისტებსაც.
  • ამ ფონზე, საქართველოს პარლამენტი დღეს, 17 აპრილს განაგრძობს რუსული კანონის პირველ მოსმენას. მოსალოდნელია, დღესვე დაუჭიროს პარლამენტმა მხარი კანონს პირველი მოსმენით
  • კანონის მისაღებად, სულ სამი მოსმენაა საჭირო და ბოლო მოსმენის თარიღად განსაზღვრულია 17 მაისი.
  • თუ საპარლამენტო უმრავლესობა მხარს დაუჭერს რუსულ კანონს, სალომე ზურაბიშვილი მას ვეტოს დაადებს.