მოკლედ: რუსული კანონის წინააღმდეგ აქცია პარლამენტთან ხვალ, 12 საათზე კვლავ გაიმართება.

  • სწორედ ამ დროს არის დაგეგმილი საკანონმდებლო ორგანოში კანონის განხილვის გაგრძელება.

დეტალები: უკვე მეორე დღეა, პარლამენტის მიერ რუსული კანონის განხილვას ხალხი ქუჩაში აპროტესტებს.

ისინი მოითხოვენ, ოცნებამ კანონი გაიწვიოს.

  • აქცია დღესაც 12 საათიდან დაიწყო, მეორე აქცია კი — 19 საათზე.
  • გამოსვლები, ამ დროისთვის, დასრულებულია, თუმცა აქციის მონაწილეების ნაწილი პარლამენტის მიმდებარედ კვლავ რჩება.
  • საკანონმდებლო ორგანოსთან მობილიზებულია დიდი რაოდენობით საპოლიციო ძალა.
  • მათ დღეს მომიტინგეების წინააღმდეგ წიწაკის სპრეი გამოიყენეს.

ბოლო ხაზი: პარლამენტის პლენარულ სხდომაზე რუსული კანონის პირველი მოსმენით განხილვა დღეს დაიწყო, თუმცა კენჭისყრა არ ჩატარებულა.

  • განხილვა ხვალაც გაგრძელდება.