მოკლედ: ერაყში, სულეიმანიას პროვინციის თავზე რამდენიმე დრონმა გადაიფრინა, ისრაელის მიმართულებით.

  • ინფორმაციას როიტერსი ერაყელ წყაროებზე დაყრდნობით ავრცელებს.

დეტალები: "დაფიქსირდა ათობით დრონი, რომლებიც ირანიდან ისრაელის მიმართულებით მიფრინავდნენ, ერაყის საჰაერო სივრცეში", — განუცხადა Reuters-ს ერაყის უსაფრთხოების ძალების ორმა წყარომ.

  • ერაყმა საჰაერო სივრცე დახურა და ავიამიმოსვლა შეაჩერა.
  • საჰაერო სივრცე დახურულია ირანში, ისრაელსა და იორდანიაშიც.

ბოლო ხაზი: ირანმა ისრაელზე თავდასხმა საკუთარი ტერიტორიიდან პირველად დაიწყო. დრონები, რომლებიც მან ისრაელისკენ გაუშვა, დანიშნულების ადგილამდე რამდენიმე საათში მიაღწევენ.

  • ისრაელის თავდაცვის ძალები ამბობენ, რომ შეეცდებიან დრონები მათ ტერიტორიაზე შეღწევამდე გაანადგურონ.
  • ეს არის თეირანის პასუხი 1 აპრილს, სირიის დედაქალაქ დამასკოს ცენტრში მდებარე ირანის დიპლომატიურ კომპლექსზე განხორციელებულ საჰაერო თავდასხმაზე, რომლის შედეგად ლიკვიდირებულ იქნენ ირანის ისლამური რევოლუციის გვარდიის კორპუსის (IRGC) მაღალი რანგის მეთაურები.