მოკლედ: საქართველოს პრეზიდენტმა სალომე ზურაბიშვილმა თქვა, რომ ქართული ოცნება რუსული ოცნებაა.

  • ამის შესახებ მან გუშინ, 12 აპრილს, ტელეკომპანია პირველთან განაცხადა.

დეტალები: ზურაბიშვილის თქმით, უცხოეთში ვიზიტის დროს, ბევრჯერ ჰკითხეს არის თუ არა საქართველოს მთავრობა პრორუსი, თუმცა, ის პასუხისგან თავს იკავებდა:

  • "ყოველთვის თავს ვიკავებდი, იმიტომ, რომ არ შეიძლება, ქვეყანას თავისი გზა გადაუჭრა, მაგრამ ახლა უკვე ჩვენ ისეთ გზაჯვარედინსა და სიტუაციაში ვართ, რომ ... რაც პრეზიდენტს მოეთხოვება, ნეიტრალურობა, სიფრთხილის შენარჩუნება, სახელმწიფოზე ფიქრი, დღეს სახელმწიფოზე ფიქრი არის დამოუკიდებლობაზე ფიქრი და ევროპის გზის გადარჩენა", — თქვა პრეზიდენტმა.

გუშინვე, პრეზიდენტმა ტელეკომპანია პირველის ეთერში თქვა, რომ ლაზარე გრიგორიადისს შეიწყალებს. მისივე თქმით, გადაწყვეტილება გუშინ, დილის 10 საათზე თავად მიიღო, ვიდრე მას შეწყალების თხოვნით ლაზარეს დაცვის მხარე, ან — პოლიტიკოსები მიმართავდნენ.