რა მოხდა: დღეს, 11 აპრილს, საქართველოს პრეზიდენტმა სალომე ზურაბიშვილმა, თბილისის თანამედროვე ხელოვნების ბაზრობა გახსნა და თქვა, რომ თბილისი ყოველთვის იქნება თავისუფალი, ხელოვნება ყოველთვის იქნება თავისუფალი და საქართველო ყოველთვის იქნება ევროპული.

დეტალები: პრეზიდენტმა აღნიშნა, რომ Art Fair-თან ერთად, თბილისში თავისუფლების კერა ჩნდება:

  • "დღევანდელი საქართველოსთვის ეს თავისუფლების ნიავი ძალიან მნიშვნელოვანია, აქ წარმოდგენილი კულტურა სხვა არაფერია თუ არა დიდი თავისუფლება და არ არსებობს ხელოვნება და კულტურა იქ, სადაც არ არსებობს თავისუფლება და საქართველო".

ბოლო ხაზი: თბილისის თანამედროვე ხელოვნების ბაზრობა, რეგიონში ყველაზე დიდი სახელოვნებო ღონისძიებაა, რომელიც ერთ სივრცეში კრებს ხელოვანებს, გალერეებს, კურატორებს, კრიტიკოსებსა და კოლექციონერებს სხვადასხვა ქვეყნიდან.

  • წელს გამოფენაში 30-ზე მეტი ადგილობრივი და საერთაშორისო გალერეა მონაწილეობს, რომლებიც სხვადასხვა ქვეყნის არტისტებს წარადგენენ.

ფოტო: პრეზიდენტის ადმინისტრაცია