მოკლედ: დედაქალაქის მერი ამბობს, რომ ფეხბურთელ გიორგი ქოჩორაშვილის მამა, როინ ქოჩორაშვილი, რომელმაც შვილის შემდეგ თავადაც დაწერა რუსული კანონის საწინააღმდეგო პოსტი ფეისბუქზე, "ნაცია".

დეტალები: "რა გიკვირთ, რატომ გაგიკვირდათ, როინ ქოჩორაშვილი ნაცია. რა არის ამაში პრობლემა?! როინ ქოჩორაშვილი გახარიას პარტიის წარმომადგენელია", — თქვა კახა კალაძემ.

კონტექსტი: მას შემდეგ რაც გუშინდელი აქციის მხარდამჭერი ფოტოს გაზიარების შემდეგ, ფეხბურთელ გიორგი ქოჩორაშვილის ანგარიში ინსტაგრამზე აღარ იძებნება, ოჯახის პოზიციის შესახებ ფეისბუქზე გიორგი ქოჩორაშვილის მამამ დაწერა.

  • "საქართველოს გზა ევროპაშია!!!"
  • "ძალიან ბევრი ჟურნალისტი რეკავს, ბოდიში რომ არ გპასუხობთ, ჩვენი პოზიცია აქ დაფიქსირებულია, ჩემი სიცოცხლით ვაგებ პასუხს, პოზიცია შეუცვლელია!!!" — დაწერა როინ ქოჩორაშვილმა.

ნახეთ ვრცლად: გიორგი ქოჩორაშვილის მამა რუსულ კანონზე: ჩვენი პოზიცია აქ დაფიქსირებულია, ჩემი სიცოცხლით ვაგებ პასუხს

მანამდე კი რუსული კანონის წინააღმდეგ გამართული თავისუფლების მარშიდან, სავარაუდოდ, ოჯახის წევრის ფოტო გააზიარა გიორგი ქოჩორაშვილმა — ბავშვი, ხელში ევროკავშირის დროშით.

ბოლო ხაზი: გუშინ, 9 აპრილს, თბილისში, რუსული კანონის წინააღმდეგ თავისუფლების მარში გაიმართა.

  • ქუჩაში გასული მოქალაქეები სკანდირებდნენ: კი ევროპას, არა — რუსულ კანონს.
  • მარში დაიწყო რესპუბლიკის მოედნიდან 18:00-ზე და გაგრძელდა საქართველოს პარლამენტის შენობის წინ.
  • აქციის ორგანიზატორებმა თქვეს, რომ პროტესტი გაგრძელდება 15 აპრილს.
  • ორშაბათს, 15 აპრილს, პარლამენტის იურიდიულ კომიტეტში რუსული კანონის პირველი მოსმენაა ჩანიშნული. შესაბამისად, მომდევნო კვირის დასაწყისში დაგეგმილი პროტესტი სწორედ ამის წინააღმდეგ მიემართება.

მეტი ამ თემაზე: ფოტოებში — ხალხი 9 აპრილის თავისუფლების მარშიდან