რა ხდება: მას შემდეგ რაც გუშინდელი აქციის მხარდამჭერი ფოტოს გაზიარების შემდეგ, ფეხბურთელ გიორგი ქოჩორაშვილის ანგარიში ინსტაგრამზე აღარ იძებნება, ოჯახის პოზიციის შესახებ ფეისბუქზე, ამჯერად, გიორგი ქოჩორაშვილის მამამ დაწერა.

რას წერს როინ ქოჩორაშვილი: "ძალიან ბევრი ჟურნალისტი რეკავს, ბოდიში რომ არ გპასუხობთ, ჩვენი პოზიცია აქ დაფიქსირებულია, ჩემი სიცოცხლით ვაგებ პასუხს, პოზიცია შეუცვლელია!!!"

გიორგი ქოჩორაშვილმა გუშინ, რუსული კანონის წინააღმდეგ გამართული თავისუფლების მარშიდან, სავარაუდოდ, ოჯახის წევრის ფოტო გააზიარა — ბავშვი, ხელში ევროკავშირის დროშით.

ბოლო ხაზი: გუშინ, 9 აპრილს, თბილისში, რუსული კანონის წინააღმდეგ თავისუფლების მარში გაიმართა.

  • ქუჩაში გასული მოქალაქეები სკანდირებდნენ: კი ევროპას, არა — რუსულ კანონს.
    მარში დაიწყო რესპუბლიკის მოედნიდან 18:00-ზე და გაგრძელდა საქართველოს პარლამენტის შენობის წინ.
  • აქციის ორგანიზატორებმა თქვეს, რომ პროტესტი გაგრძელდება 15 აპრილს.
  • ორშაბათს, 15 აპრილს, პარლამენტის იურიდიულ კომიტეტში რუსული კანონის პირველი მოსმენაა ჩანიშნული. შესაბამისად, მომდევნო კვირის დასაწყისში დაგეგმილი პროტესტი სწორედ ამის წინააღმდეგ მიემართება.