თეთრი სახლის პრესმდივანმა, შონ სპაისერმა თანამდებობა დატოვა. The New York Times-ის ცნობით, სპაისერის გადადგომის მიზეზი ტრამპის მიერ კომუნიკაციების დირექტორის პოსტზე ნიუ-იორკელი ფინანსისტის, ენტონი სქარამუჩის დანიშვნა გახდა.

გამოცემა წყაროზე დაყრდნობით იუწყება, რომ სპაისერმა აშშ-ის პრეზიდენტს უთხრა, რომ სქარამუჩის დანიშვნა დიდი შეცდომაა.

"პატივი იყო აშშ-ის პრეზიდენტის, დონალდ ტრამპისა და ამ საოცარი ქვეყნის სამსახურში ყოფნა. მოვალეობას შევასრულებ აგვისტოს განმავლობაში", - წერს სპაისერი ტვიტერზე.